O Salón do Cómic de Granada, que se celebrou entre o 10 e o 13 deste mes, acolleu a exposición sobre As Cantigas de Santa María como obra mestra da BD medieval que realizou Breixo Harguindey coa colaboración de BD Banda para o último Salón do Cómic de Cangas.
Agardamos que esta sexa só unha primeira etapa e que a mostra continúe a se mover por todo o Estado!

Chéganos a nova do falecemento de Benito Losada, director da Casa da Xuventude de Ourense e un dos máis firmes promotores da banda deseñada galega. Desde o seu cargo, na organización das históricas Xornadas na Cidade das Burgas, co comisariado de exposicións e mediante moitas outras iniciativas, Benito fixo un labor fundamental de cara ao recoñecemento da banda deseñada, que situou en pé de igualdade con outras formas de creación no marco do intensísimo traballo cultural que marcou a súa biografía.
Para alén da importancia do seu traballo, e do feito de que a BD galega fica orfa dun dos seus máis grandes valedores, desde BD Banda só podemos dizer que perdemos un grande amigo e que o imos achar moito de menos.
Até sempre, Benito.

(imaxe tomada de As Uvas na Solaina)

26 de Outubro: Coñece o manga. Relatora: Fátima Elías
4 de novembro: Coñece o cómic de super heroes (Julio I. Graña)
11 de novembro: Coñece a banda deseñada europea (Rafa Tenorio)
18 de novembro: Coñece o cómic feito en España (Miguel Porto)
25 de novembro: Coñece a banda deseñada galega (Germám Ermida)

Ler o resto da nova »

Ler o resto da nova »

BD Banda achégase como cada ano a Viñetas desde o Atlántico.
O vindeiro venres día 13 de agosto faremos á unha da tarde unha presentación do cuarto número da nosa revista na carpa destinada a este fin.
Ademais, poderás adquirir todos os nosos produtos no posto número 8, compartiremos con Retranca e coa Libraría Paz.
Vémonos!