**A exposición pode solicitarse no mail letras.cultura@xunta.es**

BD Banda, co apoio da Consellaría de Cultura, elaborou a mostra As bases da banda. Esta exposición, que se presenta acompañada dunha Guía Didáctica está dirixida a centros de ensino e biblioteca, e tenta facer unha primeira introdución encol da novena arte, tratando a súa historia, recursos narrativos e proceso de creación. A maiores, achégase unha mínima selección de recomendacións para introducir no tema os menos coñecedores.
Na Guía Didáctica, pola súa banda, amplíase a información da mostra, propóñense actividades encol dos diferentes apartados da mesma e achégase unha exchaustiva bibliografía (tanto física como on-line) arredor da BD. O enfoque da Guía céntrase na aprendizaxe cooperativa e nas propostas creativas, apostando por aproveitar o coñecemento dos propios alumnos para avanzar na comprensión e na realización da banda deseñada, ampliando as posibilidades desta arte alén dos tradicionais empregos en ámbitos coma artes plásticas ou literatura.A exposición quere servir, ao tempo, para dar a coñecer o emerxente sector da banda deseñada galega, polo que a inmensa maioría das ilustracións empregadas son de autores do noso país, e na propia guía fanse recomendacións sobre como empregar nas aulas diferentes títulos creados por galegos.

• As características físicas da mostra son: 12 paneis de 100 x 150 cm. Realizados en impresión dixital sobre lona Decolit, enmarcados cun poste negro arriba e abaixo de cada panel.
  Á parte dos paneis a mostra inclúe unha guía didáctica para traballar cos rapaces e na que se fai un estudo sobre a banda deseñada
• A exposición pode solicitarse no mail letras.cultura@xunta.es
• Unha mostra da exposición pode verse nesta mesma ligazón:
  http://www.rbgalicia.org/catalogo-exposicions/bases_desc.htm
• A guía didáctica está dispoñible en PDF nesta mesma ligazón:
  Guía Didáctica
• Os paneis en baixa resolución nesta páxina