O BNG lembra a importancia de BD Banda no debate sobre a creación do Premio Estatal de BD

O debate sobre a creación dun premio estatal dedicado á novena arte que se estaba a desenvolver no Congreso dos Deputados tróuxonos unha agradábel sorpresa. Francisco Rodríguez, deputado do BNG no Congreso salientou a importancia de potenciar a pluriculturalidade na BD e lembrou a importancia de BD Banda para o sector na galego na súa intervención, lembrando o premio que a nosa publicación levou no último Saló de Barcelona.
Canda a isto fixo un destacado resumo da importancia do humor gráfico en Galicia e lembrou a situación de emigración que viviu e aínda vive o sector da BD. Ao tempo, lembrou o último galardón que obtivo Xaquín Marín e o traballo que actualmente Miguelanxo Prado desenvolve no campo da animación, así coma o histórico labor de Pepe Carreiro. Tamén apuntou a importancia da AGPI como aglutinadora do traballo dos autores, Viñetas desde o Atlántico, as Xornadas de Ourense ou o certame de BD na Xunta.
A intervención completa aquí
Chivóunolo Porto, grazas, compañeiro.
Máis sobre o debate en La Cárcel de Papel