A Biblioteca de Caldas de Reis acolle desde hoxe a exposición As bases da banda, realizada por BD Banda co apoio da Consellaría de Cultura.
A mostra, que se pode ver pendurada dun cordel, foi impresa polas responsables do centro a partir das imaxes en alta resolución que están dispoñibles na nosa sección BDagoxía. Canda aos paneis, pode verse, ata o vindeiro día 10 unha exposición dos fondos bibliográficos de banda deseñada que existen no centro, dentro da actividade Días de BD na Biblioteca de Caldas.
O día 4 ás oito da tarde, o debuxante Kiko da Silva visitará o centro e terá un encontro cos asistentes.
Desde BD Banda queremos agradecerlle ás responsables da biblioteca o seu interese pola BD e ter contado coa nosa mostra para a súa actividade.